- 由一個課表開始唔使第一日搬晒資料
- 廣東話協助設定跟住你嘅課表同套票規則開始
- WhatsApp 廣東話支援有問題，直接搵我哋
由揀堂，到確認預約。
同一套 Bookjor，連起客人見到嘅課表，同工作室每日要處理嘅安排。
整個有你風格嘅網站。
介紹工作室，同時俾客人直接預約。用網站編輯器拖放內容，唔使寫程式，都可以自己建立同更新網頁。
網站編輯器只限付費計劃使用。
了解網站編輯器免費計劃已有標準預約網站；升級後就可以自行設計網頁。
用你嘅風格
自由排列文字、相片同按鈕，揀啱品牌嘅顏色，用自己嘅方式介紹工作室。
網站連住預約
加入課表、服務預約同套票，方便客人搵到想上嘅堂，再繼續預約。
睇清楚，再發佈
由範本開始，預覽電腦同手機版面，準備好就可以發佈網頁。
配合唔同工作室嘅日常。
睇返你嘅工作室類型
先由一個真實課表開始。
免費開戶，先試清楚客人點預約、前台點跟進。唔使一開始就搬晒所有資料。
真人協助設定
用廣東話了解你嘅課堂、私人課、套票同預約規則，協助完成基本設定。
WhatsApp 廣東話支援
由開戶到俾客人開始預約，有問題可以直接問我哋。
有需要，再搬現有資料
付費計劃客戶可按指定 CSV 範本，由 Bookjor 協助匯入客戶資料同套票餘額。
你可能仲想知道。
免費計劃可唔可以用網站編輯器？
免費計劃已有標準預約網站。升級到付費計劃後，就可以用網站編輯器拖放內容、自訂網頁，預覽電腦同手機版面，再發佈網站。
客人一定要下載 App 先可以預約？
唔使。客人可以直接喺你嘅專屬預約網站睇課表、揀時間同完成預約。付費計劃亦有 Bookjor Client App，方便熟客隨時再預約同查看套票。
客人可唔可以自己取消或者改期？
客人可以按工作室設定嘅取消規則自行取消；要改期就聯絡工作室協助。符合取消期限嘅點數預約，系統會按規則退回點數。過咗期限仍然可以取消，但系統唔會自動退點；工作室可按實際情況人手處理。
免費計劃包括啲咩？有冇使用期限？
免費計劃每月包括 25 個預約、2 位同事同 1 個地點，亦有專屬預約網站、管理員手機 App、Stripe 收款同銀行轉賬付款指示。冇使用期限，開始使用唔使信用卡；Stripe 付款處理費另計。銀行轉賬要由同事核實到帳同接受付款。
銀行轉賬同轉數快（FPS）點樣收款？
你可以喺銀行轉賬付款指示寫上銀行戶口或轉數快資料，同時開放已啟用嘅 Stripe 卡付款。客人提交轉賬後，付款會保持「待確認」，唔代表已到帳或者預約已確認。同事要先核實銀行記錄，再喺後台接受付款，並檢查訂單係咪已確認；私人服務按設定可能仍需人手確認訂單。呢個係人手核對流程，唔係原生 FPS 整合，亦唔會自動對帳。
由其他系統搬過嚟，有冇人幫？
有。Bookjor 提供真人設定協助同 WhatsApp 廣東話支援。付費計劃客戶可按指定 CSV 範本，由 Bookjor 協助匯入客戶資料同套票餘額。其他資料可以先俾我哋睇格式，再確認點處理。